التهابات الجهاز التنفسي

أطباء مستشفيات العزل: الدليل الكامل لعلاج والتعامل مع اعراض البرد والالتهاب الرئوي بما فيها حالات الاشتباه والمؤكده في ظل وباء كورونا

لازم نتفق على كذا حاجه اولا العلاجات فعاله في تحسن الحالات خاصة كل اما تكون العدوى في بدايتها فالادوية اللي احنا هنذكرها فعالة في علاج كل من الفيروس والأمراض التنفسية وآمنة ومتوفرة والتعليمات تمنع ارتداد عدوى الفيروس وبنتبع أحدث البروتوكولات في العلاج فكل اما تبدأ العلاج والتعليمات بدري كلما كان أفضل فابدأهم فورا حتى لا تتدهور الحالة في ظل التفشي الحالي للقيروس وكمان الارشادات اللي كاتبينها هتوفر على 90% من الحالات اللف في المستشفيات في وقت خطر زي ده ثانياً ان في ظل تفشي وباء كورونا وعدم وجود حظر شامل تغيرت الأولويات فاهم حاجه دلوقتي لحمايتك وتساوي أهمية التباعد الاجتماعي هو

? المحافظة على مناعة جسمك دايماً (طول ما مناعة الجسم قوية فهيا قادرة على قتل الفيروسات وهو الاداه الوحيده حتى الان المثبت فاعليته في القضاء على فيروس كورونا) .. وده عن طريق:

  1. تناول الأكل الصحي الغني بفيتامين سي ودال والف وبكمية كافية ومناسبة
  2. تنظيم مواعيد النوم وتثبيتها في وقت محدد وتكون لمدة كافيه مهم جدا على الاقل ٧ : ٨ ساعات يوميا والالتزام بالراحة النفسية والبعد عن القلق والتوتر.
  3. التعرض للشمس لمدة 10 دقائق يومياً
  4. الحفاظ على تدفية جسمك والسوائل الدافئة والبعد عن تيارات الهواء الباردة والمراوح والتكيفات
  5.  الاشخاص المعافين اللي معندهمش اعراض مرض يلتزموا بالحركة والرياضة زي المشي السريع في المكان لمدة نصف ساعه خمس ايام أسبوعياً, بينما الاشخاص المرضى بمرض فعال الان عليهم الراحه التامة.
  6. ممكن تناول فيتامين سي 1 جرام يومياً وممكن تناول زنك 30 مجم من عنصر الزنك يومياً أو الاغذية التي تحتوي عليهم.
  7. جميع أصحاب الأمراض المزمنة الصغار والكبار وجميع كبار السن الحرص منهم عالعزل الصحي وتناول ادويتهم في مواعيدها ومرضى السكر لازم يظبطو معدلات السكر عنهم لتقترب من المعدلات الطبيعية لأنهم من اكثر الفئات المعرضة للأصابة فنتابعهم باستمرار.
  8. ممنوع استخدام الكورتيزون مثل ابيدون وسولوبريد وهوستاكورتين وفينادون الا لو كنت ماشي عليه لعلاج مرض اخر أو داخل المستشفيات أو في الاعراض التنفسية الشديدة فممنوع استخدامه تماماً في علاج الاعراض البسيطه.
  9. العلاجات والتعليمات الطبيه فعاله في تحسن الحالات خاصة كل ام تكون العدوى في بدايتها وفي القضاء على الفيروس ..التأخير في العلاج حتى لو منزليا يؤدي الى التدهور .. والعلاجات اللي احنا هنذكرها هنا فعالة وآمنة واثارها الجانبية قليلة والتعليمات تمنع ارتداد عدوى الفيروس.

أطباء مستشفيات العزل دليل علاج والتعامل مع اعراض البرد والالتهاب الرئوي في ظل وباء كورونا

بالنسبة للتعامل مع اعراض البرد والالتهاب الرئوي في ظل تفشي وباء كورونا: هنقسم المرضى لمجموعتين وهم مرضى قليلي الخطورة ومرضى عاليي الخطورة وهنذكر علاج كل منهم والتعامل معهم

.

? 1- مرضى قليلي الخطورة:

- اعراض برد بسيطة مثل: همدان بسيط, رشح بسيط, شكه بسيطه في الحلق, سخونية قليلة بدون كحة ناشفة او ببلغم وبدون صعوبة في التنفس.

دول 85% من المرضى وهمه مش محتاجين يروحو مستشفيات لأنها هتعرضهم والغير لخطر ليس له اي داعي

- العلاج: اجازة من العمل والالتزام بالرحة التامة عدم القيام باي مجهود او رياضة والالتزام بالعزل الصحي وبالتدفية والسوائل الدافئة ونوم جيد حتى لو بمنوم والتغطية جيدا اثناء النوم والاتزام بتعليمات الحفاظ على المناعة المذكورة بالاعلى.
وأهم حاجة أهم حتى من اي علاج التدفية ولبس تقيل بكم والسوايل الدافية دايما والاكل لازم يكون كميته كويسة فيه كمية بروتين نباتي وحيواني كافية (الجبنة - البيض - اللحوم) وتقليل السكر ولازم النوم والراحة كويس جدا والتغطية جيدا اثناء النوم زي اي دور برد ومفيش تعرض لهوا او استحمام ولا مروحة ولا تكييف طبعا وده مهم جدا وده من خبرتنا في التعامل مع مئات المرضى.

- الأدوية: فيتامينات تنشط المناعة بس زي: (ومتوافرة في الاطعمه الغنيه بها)
* فيتامين سي 1 جرام قرصين يوميا بعد الغذا لمدة اسبوعين
* زنك كبسولة تركيز 50 مجم يوميا لمدة اسبوعين
* وان الفا 0.25 قرص صباحا لمدة اسبوعين
* ادول ازرق 2 قرص عند اللزوم لو فيه صداع كمسكن
* اللرجيل ده منوم آمن جدا عند اللزوم لو فيه أرق قرص قبل النوم في نفس الوقت يوميا (منوم أقوي هو نايت كالم 3 مجم قرص قبل النوم في نفس الوقت يوميا)

مع التدفية هتلاحظ عرق غذير ده طبيعي ودليل على بداية التحسن .. التزم بالتدفئة والتعليمات برضه وغير ملابسك المبتلة بالعرق باخرى جافة تقيلة بكم دائما.
ان شاء الله هتلاحظ مع التدفئة والعلاج والنوم الجيد حتى لو بمنوم آمن انك بدأت تتحسن ويجب ان يكون الاستحمام مرة اسبوعياً على الاكثر قبل النوم مباشرة بماء دافيئ وارتداء ملابس تقيله والنوم بعده والتغطية جيدا اثناء النوم لو تخليت عن التدفئة والنوم الكافي وتعليمات المحافظة على المناعة هتسوء الحالة تاني وهيرجع الاعياء لازم المتابعة على التعليمات لمدة شهر حتى لا يعود المرض او تسوء الحالة مرة اخرى.

لو في اي تغيير في الاعراض أو لو طالت مدة الأعراض فتواصل مع طبيب فوراً
لو بدأت تسوء الأعراض كظهور كحة او صعوبة في التنفس او سخونية شديدة او اكتر من 3 ايام أو اعياء شديد أو لو طالت مدة الأعراض عن اسبوع فلازم يتواصل مع طبيب وده ممكن ينقل المريض للمجموعة التانية

 

 

? 2- مرضى عاليي الخطورة:

  • المرضى ذو الأمراض المزمنة او كبار السن المصابن بسخونية مع أو بدون الاعراض اللي فوق
  • اعراض عنيفة: كحة ناشفة او ببلغم متكررة او شديدة, صعوبة في التنفس, سخونية شديدة او استمرت 3 ايام, اعياء شديد, نهجان أثناء الراحة او اعراض بسيطة مع فقدان حاسة التذوق والشم (ده عرض وعلامة شبه أكيدة ان الشخص مصاب بالفيروس) او مع ألم بالصدر يعيق التنفس أو مع تشنج او مع اضطراب في درجة الوعي, المرض ممكن يجي في كبار السن بالذات باعياء وهمدان بس او دوخه وتوهان بس او احساس بالبرودة لازم نحاول نلاحظ لو ظهر ده عليهم.

- العلاج: اجازة من العمل والالتزام بالرحة التامة عدم القيام باي مجهود او رياضة والالتزام بالعزل الصحي وبالتدفية والسوائل الدافئة ونوم جيد حتى لو بمنوم والتغطية جيدا اثناء النوم والاتزام بتعليمات الحفاظ على المناعة المذكورة بالاعلى.
وأهم حاجة أهم حتى من اي علاج التدفية ولبس تقيل بكم والسوايل الدافية دايما والاكل لازم يكون كميته كويسة فيه كمية بروتين نباتي وحيواني كافية (الجبنة - البيض - اللحوم) وتقليل السكر ولازم النوم والراحة كويس جدا والتغطية جيدا اثناء النوم زي اي دور برد ومفيش تعرض لهوا او استحمام ولا مروحة ولا تكييف طبعا وده مهم جدا وده من خبرتنا في التعامل مع مئات المرضى.

⛔️ الأشخاص ذو الأعراض العنيفة فقط لازم التوجه لأقرب مستشفى حميات او صدر مع اخذ كافة احتياطت الامان من كمامة وجونتي وتباعد اجتماعي: وهناك لازم يقيسو نسبة الاكسجين في الدم وده عن طريق جهاز البالس اوكسيميتر ويعملو صورة دم كاملة واشعة على الصدر
.

- الأدوية: كورس مكثف لمدة اسبوع : اسبوعين بتبدأ العلاج أول ما تظهر الاعراض ولحد ما تكشف عند طبيب وبتلتزم بالعلاج اللي بيصرفهولك الطبيب بالاضافة للعلاج اللي هنذكره هنا وزي ما قلنا قبل كده العلاجات فعاله في تحسن الحالات خاصة كل ام تكون العدوى في بدايتها ..التأخير في العلاج حتى لو منزليا يؤدي الى التدهور - لازم كل المرضى عاليي الخطورة يخدو الدوا اللي هنذكره ده وده كورس علاج مكثف مدته أسبوع : أسبوعين

? * كلاسيد 500 مجم العادي قرص كل 12 ساعه بعد الاكل لمدة اسبوعين وده أهم دواء واللي لازم تجيبه بيقوم بمفعول الزيثروميسين كمضاد للفيروس ومضاد للبكتيريا اقوى منه .. فيه مجموعة ادوية مكملة مهمه برضه
.
مجموعة فيتامينات مهمة لتقوية المناعة: (ومتوافرة في الاطعمه الغنيه بها)
* زنك كبسولتين يوميا لمدة اسبوعين
* فيتامين سي 2 جرام قرصين يوميا بعد الغذا لمدة اسبوعين
* وان الفا 0.25 قرص صباحا لمدة اسبوعين
.

* ريفاروسبير 10 مجم قرص مساءً لمدة اسبوع : اسبوعين (بيزود السيولة ليمنع التجلطات اللي بيسببها الفيروس طبعا ممنوع لو فيه نزيف)
* جاسترولوك 40 مجم قرص صباحا على الريق لمدة اسبوع : اسبوعين
* ادول ازرق 2 قرص عند اللزوم لو فيه سخونية او صداع ولو فيه سخونية ممكن تصل الجرعة ل 2 قرص كل 6 ساعات
* لو فيه خنقة وصعوبة شديدة في التنفس ممكن استخدام بخاخة مثل فوربيدس صباحا ومساء ودي أفضل وأكثر امان من جلسات البخار
.

مجموعة ادوية احتياطية لا يتم شرائها .. فقط يتم شرائها واستخدامها عند اللزوم:
* فلاجيل 500 مجم عند اللزوم لو حصل اي اسهال بيتاخد ق صباحا ومساء لمدة 3 ايام
* جاستريج عند اللزوم لو حصل ترجيع بيتاخد ق كل 8 ساعات قبل الأكل
* اللرجيل ده منوم آمن جدا عند اللزوم لو فيه أرق قرص قبل النوم في نفس الوقت يوميا (منوم أقوي هو نايت كالم 3 مجم قرص قبل النوم في نفس الوقت يوميا)
* لو فيه كحة ببلغم ميكو اس ار قرص كل 12 ساعة بعد الاكل لمدة اسبوعين
* لو فيه كحة ناشفه توسيستوب شراب 2 معلقة كبيرة كل 8 ساعات
* لو فيه هبوط جامد ممكن تركيب محاليل مثل الرينجر والملح بس الافضل الاعتماد على العصائر والتغذية الجيدة لتنشيط الجهاز الهضمي وزيادة تقبله للعلاج وتقليل نشر العدوى
.
الاعراض الشديدة دي هتحسسك بهبوط حافظ على تناول سوائل كافية وعصائر طبيعية او خالية من السكر.
مع التدفية هتلاحظ عرق غذير ده طبيعي ودليل على بداية التحسن .. التزم بالتدفئة والتعليمات برضه وغير ملابسك المبتلة بالعرق باخرى جافة تقيلة بكم دائما.
ان شاء الله هتلاحظ مع التدفئة والعلاج والنوم الجيد حتى لو بمنوم آمن انك بدأت تتحسن ويجب ان يكون الاستحمام مرة اسبوعياً على الاكثر قبل النوم مباشرة بماء دافيئ وارتداء ملابس تقيله والنوم بعده والتغطية جيدا اثناء النوم لو تخليت عن التدفئة والنوم الكافي وتعليمات المحافظة على المناعة هتسوء الحالة تاني وهيرجع الاعياء لازم المتابعة على التعليمات لمدة شهر حتى لا يعود المرض او تسوء الحالة مرة اخرى.
لو في اي تغيير في الاعراض أو لو طالت مدة الأعراض فتواصل مع طبيب فوراً.

.

⛔️ لو الاعراض متوسطه ومقلقه أو لو مش قادر تحدد انت ضمن انه مجموعة (وطبعا كل المرضى عاليي الخطورة لو الحالة مستقرتشي الافضل يعملوها بعد اما يكونو بدأو العلاج والتعليمات لأن سرعة البدأ في العلاج هو أهم حاجة) ممكن اجراء التحاليل الاتيه في معمل وهي صورة دم كاملة CBC و CRP دول مهمين جدا وممكن اجراء ايضا ferritin و d-dimer ولو فيه تغير في التحاليل وكحة وصعوبة في التنفس او لو فيه كحه وصعوبة في التنفس متوسطين ممكن عمل اشعه على الصدر مقطعية في اي مركز اشعه.
.

⛔️ في حالة وجود كحة وصعوبة في التنفس متوسطين او شداد او تغيرات في الاشعه المقطعية متوسطين او شدادا لازم ومهم شراء جهاز بالس اوكسيمتر من اي محل أجهزة طبية مثل الموجدين عند القصر العيني نتابع بيه نسبة الأكسجين في الدم وبيكون طبيعي فوق 95% كلما قل رقم نسبة الأكسجين كلما زادت شدة المرض وتأثيره على الرئة وحاجة المريض للحجز في المستشفى .. لو قلت نسبة الأكسجين عن الطبيعي فيه حلول (زي مثلا مولدات (مكثفات) الاكسجين دي المفيده في الحالة دي بينما انابيب الاكسجين غير مجدية وتنتهي بسرعه وجهاز البخار لا يمد الانسان بالاكسجين خالص) .. فهو مهم عشان نتابع تطور الحالة عشان لو احتاجت مستشفى فورا هنروح بيها على المستشفى.
.
جرعات العلاج دي للكبار في الاطفال الجرعات بتختلف حسب السن والوزن
.

⛔️ فيه علاجات بنضيفها لو الحالة ايجابي و الاعراض شديدة او الحالة لا تستجيب للعلاج اللي فوق أو ظاهر في التحاليل تغيرات جامدة أو في ظهار في الاشعة المقطعية تغيرات متوسطه او عنيفة .. الادوية هي:

*هيدروكسي كلوروكين (البلاكونيل) اول يوم قرصين كل 12 ساعه وبعد كده قرص كل 12 ساعة بعد الأكل (لو المريض مسن فوق 65 : 70 او ذو امراض الصدر في المعظم بنحتاج نضيفه للعلاج عشان يتحسن)

* ريفاروسبير 15 مجم قرص صباحاً ومساءً (لو الاعراض التنفسية متوسطة او عنيفه) (بيزود السيولة ليمنع التجلطات اللي بيسببها الفيروس طبعا ممنوع لو فيه نزيف)
.
معظم مرضى الفيروس بيبقى اعراضهم بسيطة ولو التزمو بتعليمات الراحة وبقية التعليمات اللي ذكرنها فوق دي حالتهم الصحية بتتحسن وتستقر وفترة النقاهة من العدوى بتستمر شهر طواله لازم المحافظة على التعليمات اللي فوق لمنع ارتداد العدوى لأن الفيروس بيطول في جسم المريض.

? مجموعة من الاسئلة الشائعة:

انا فاقد حاسة الشم والتذوق فهل ده معناه اني مصاب بكورونا؟

  • في اسباب كتير لفقدان حاسة الشم ولكن اسباب محدودة لفقدان حاسة التذوق
  • فللأسف فقدان حاسة الشم والتذوق علامة شبه عالية بالاصابة بكورونا
  • مفيش اي قلق الحمد لله طول مالاعراض بسيطه لو الأعراض شديده لازم نقلق
  • اهم حاجه دلوقتي العزل المنزلي لكل الاسرة
  • تواصل مع وزارة الصحة عن طريق 105 وعن طريق الواتس احنا حطين رابط لرقم الواتس الخاص بوزارة الصحة في نهاية المقال
  • والتزم بانكم تحافظو على مناعتكم والتعليمات والأدوية
  • ان شاء الله في خلال ال 14 يوم دول هترجع حاسة الشم
  • حتى لو انت مصاب فانت من المحظوظين الحمد لله اللي عندهم مناعه قوية ضد الفيروس ومناعتهم قادره تقضي عليه
  • وفقدان الحواس معناه انك في مرحلة الشفاء والتخلص من الفيروس
  • لا مروحة او تكييف والتزموا بالتعليمات والأدوية حسب شدة الاعراض حسب التقسيمة اللي احنا ذكرنها فوق
  • اي تهاون ربنا يسلم

انا عندي أعراض برد فهل ده برد ولا كورونا؟

  • بص الكورونا ممكن بتيجي باعراض كتيره ممكن تكون تيجي باعراض عنيفة جدا او حتى من غير اي اعراض خالص وممكن تيجي باعراض شبه البرد العادي خالص
  • فاحنا الحمد لله الاعراض شبه البرد اكتر فحتى لو بعد الشر يعني كورونا فاحنا مطمئنين لان لو جت باعراض برد بس معنا كده ان الجسم مناعته قويه وعارف يقضي على الفيروس والشفاء هيتم بالمحافظة على المناعه والتعليمات والادوية اللي احنا كتبينها فوق

 

  • خدمة الرد الآلي عبر "واتساب" الخاص بوزارة الصحة والسكان لاستقبال كل استفساراتكم حول فيروس كورونا المستجد (كوفيد-١٩) .. قم بالدخول إلى ذلك الرابط https://wa.me/201553105105
    ثم ارسال كلمة قائمة في رسالة على تطبيق الواتساب.
  • او تواصل معهم عبر 105

من فضلك شارك المقال عشان يساعد اكبد عدد من الناس

الوسوم

دكتور علي يوسف

دكتور قلب وأوعية دموية وقسطرة القلب التشخيصية والعلاجية.

مقالات ذات صلة

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى