ايه الحل في القولون العصبي ؟

قائمة الأسئلة الطبيةتصنيف: الكبد والجهاز الهضميايه الحل في القولون العصبي ؟
داليا طرحت منذ 3 سنوات
عاوزة حل للقولون العصبي يا دكاترة مع العلم انه وراثة في عائلتنا لان امي و اختي بتشتكي منه.. مبقتش قادرة اتعايش معاه بسبب انه بيتعبني اوي بسبب الضغوط النفسية او حتى الاكل .

1 الإجابات
دكتور أحمد الحسيني إدارة الموقع answered 3 سنوات
القولون العصبي دلوقتي بقى من ضمن أمراض العصر و ده نتيجة للضغوط اللي بيتعرض ليها معظم البشر حاليا ، سواء كانت نفسية او عصبية.
الموضوع ممكن يكون وراثي زي ما حضرتك ذكرتي او يكون حالة فردية ، لكن في كلا الحالتين هو مجرد خلل مؤقت في وظيفة القولون مع وجود تقلصات قد تستمر لعدة ساعات او أيام، و بدون سبب واضح نقدر نلمسه كأطباء.
اذا فالموضوع ناتج عن خلل وظيفي وليس عضوي.
غالبا الحالة دي بتكون مزمنة، وعلى الاشخاص اللي بيعانوا من القولون العصبي انهم يتعاملو معاه بصورة وقائية بحيث يتجنبوا أي شيء ممكن يؤدي لحدوث التقلصات و عدم الارتياح ده، سواء كان ضغط عصبي أو نفسي أو حتى بعض أنواع من الأكل زي الفلفل الحريف و الأطعمة المحتوية على الكبريت زي الكرنب أو البروكلي.
أما او حدثت التقلصات بالفعل فممكن نسيطر عليها و نرجع الأمعاء لحركتها الطبيعية و ده عن طريق :
Viscerolargine أمبول بالعضل.
Librax قرص قبل الأكل بربع ساعة.
Spasmocanulase قرص وسط الأكل 3 مرات يوميا.

زر الذهاب إلى الأعلى