ايه علاج المغص الكلوي؟

محمود عبد الله طرحت منذ 3 سنوات
عاوز أعرف علاج المغص الكلوي يا دكاترة بحس بيه على فترات متقطعة و بكون تعبان جدا بسببه، و كشفت قبل كدة والدكتور قالي انه مش شايف حصوات في الاشعة

1 الإجابات
دكتور أحمد الحسيني إدارة الموقع answered 3 سنوات

اهم شئ لعلاج المغص الكلوي كثرة شرب المياه النظيفة والتأكد من عدم وجود عدوى بمجرى البول باجراء تحليل بول
والمغص الكلوي ليه أسباب كتيرة لكن أشهرها هو وجود حصوة في الحالب أو التهابات مجرى البول بصفة عامة ، وفي بعض الأحيان بيحصل نتيجة الانتقال من جو دافئ لجو بارد أو زيادة نسبة الأملاح في مجرى البول وده بيسبب حرقان الى جانب المغص.
حالة حضرتك ممكن تكون نتيجة لوجود التهاب مزمن في الجهاز البولي او وجود حصوة من النوع اللي مش بيظهر في الأشعة السينية و أشهرهم طبعا حصوة حمض اليوريك (و ده في حالة زيادة افرازه في البول أو زيادته في الجسم) .
ننصحك بعمل آشعة بالصبغة على الجهاز البولي في مكان متخصص و ده عشان نعرف هل في حصوة أو لأ، وكمان عمل تحليل بول و مزرعة بول عشان نحاول نوصل لسبب المغص الرئيسي وبالتالي نعالجه.
أما بالنسبة للمغص فهو مجرد عرض ، و بيتاخد ليه امبول فولتارين بالعضل عشان يسكن الألم بسرعة، و Rowatinex كبسولات من 1-2 كبسولة 3 مرات يوميا.

زر الذهاب إلى الأعلى