سخونيه و كحه شديده و الم ف الحلق و فقدان لحاسه التذوق و الشم

قائمة الأسئلة الطبيةتصنيف: الكبد والجهاز الهضميسخونيه و كحه شديده و الم ف الحلق و فقدان لحاسه التذوق و الشم
سحر طرحت منذ 3 أيام

الأعراض بدأت بسخونيه و كحه شديده و الم ف الحلق و صداع فظيع اخدت خافض و دوا كحه الحراره نزلت و الكحه مبقتش موجوده بس يومين و ظهرت الكحه تاني و معاها رشح و فقدان لحاسه التذوق و الشم و مفيش زكام يعني مناخيري مش مسدوده و باخد ادويه كتير و فيتامين و خافض و مضاد بس الصداع مش بيروح خالص و مأثر علي عيني و الم ف الحلق مراحش مع اني خدت كورس مضاد كامل وانا خايفه اعمل ايه في الحاله دي بعد اذنكوا 

1 الإجابات
دكتور علي يوسف إدارة الموقع answered يومين

اعراض مقلقه جدا فيه اشتباه عالي في الاصابة بالفيروس لازم عزل صحي لكل المنزل
تواصلو مع وزارة الصحة عن طريق 105 وعن طريق الواتس احنا حطين رابط لرقم الواتس الخاص بوزارة الصحة في البوست صفحة الفيس

العلاج ده زي ما مكتوب في البوست للمرضى عاليي الخطورة: اجازة من العمل والالتزام بالرحة التامة عدم القيام باي مجهود او رياضة والالتزام بالعزل الصحي وبالتدفية والسوائل الدافئة ونوم جيد حتى لو بمنوم والاتزام بتعليمات الحفاظ على المناعة زي ما مكتوبه في اول البوست المثبت على صفحة الفيس

وأهم حاجة أهم حتى من اي علاج التدفية ولبس خريفي بكم والسوايل الدافية دايما والاكل والنوم والراحة كويس جدا زي اي دور برد ومفيش تعرض لهوا او استحمام ولا مروحة ولا تكييف طبعا وده مهم جدا وده من خبرتنا في التعامل مع مئات المرضى

- الأدوية: لازم تبدأ فورا لأن كل ام بدأنا العلاج فورا كل اما فرص الشفاء كانت افضل

* كلاسيد 500 مجم العادي قرص كل 12 ساعه بعد الاكل لمدة اسبوعين
.
*استيل سيستاين ٦٠٠مجم كل 8 ساعات لمدة اسبوعين
.
مجموعة فيتامينات مهمة جدا لتقوية المناعة:
* زنك تركيز 220 مجم يوميا لمدة اسبوعين
* فيتامين سي 2 جرام يوميا لمدة اسبوعين
* وان الفا 0.25 قرص صباحا لمدة اسبوعين
.
* ريفاروسبير 10 مجم قرص مساءً لمدة اسبوعين
* جاسترولوك 40 مجم قرص صباحا على الريق لمدة اسبوع : اسبوعين
* ادول ازرق قرص عند اللزوم لو فيه سخونية او صداع ولو فيه سخونية ممكن تصل الجرعة ل 2 قرص كل 6 ساع

الاعراض الشديدة دي هتحسسك بهبوط حافظ على تناول سوائل كافية وعصائر طبيعية او خالية من السكر
هتلاحظ عرق غذير ده طبيعي ودليل على بداية التحسن .. التزم بالتدفئة والتعليمات برضه وغير ملابسك المبتلة بالعرق باخرى جافة خريفية بكم دائما
ان شاء الله هتلاحظ مع التدفئة والعلاج والنوم الجيد حتى لو بمنوم آمن انك بدأت تتحسن لو تخليت عن التدفئة والنوم الكافي وتعليمات المحافظة على المناعة هتسوء الحالة تاني وهيرجع الاعياء لازم المتابعة على التعليمات لمدة شهر حتى لا يعود المرض او تسوء الحالة مرة اخرى
لو في اي تغير في الاعراض تواصل معانا فورا.
لو طالت مدة الأعراض عن اسبوع فتواصل معانا فوراً

المخالطين تعليمات حفظ المناعة اللي في اول البوست المثبت على صقحة الفيس

يا ريت التواصل بعد كده يكون على صفحة الفيس

زر الذهاب إلى الأعلى