شعري يتساقط ولا أدري لماذا

سارة رأفت طرحت منذ سنتين

لو سمحتو ممكن اعرف علاج لتساقط الشعر لأنه بقى خفيف جدا و مع العلم مش بعاني من أي حاجة الحمد لله و معنديش انيميا و لا عندي قشرة ف شعري

This site uses Akismet to reduce spam. Learn how your comment data is processed.

1 الإجابات
دكتور أحمد الحسيني إدارة الموقع answered سنتين

تساقط الشعر ليه اسباب كتيرة جدا سواء عضوية زي نقص الحديد او الزنك او الاجهاد و الضعف العام او حتى نقص شرب المياه ، وفي بعض العدوى اللي بتؤدي الى تساقط الشعر ولا يمكن معرفة الاصابه بها الا بالفحص الطبي من دكتور اخصائي الجلدية كمان في بعض الأمراض المناعية اللي ممكن تأثر بشكل كبير على حالة الشعر و فروة الرأس .. 
او اسباب نفسية و دي بتختلف عن العضوية في اننا مش بنقدر نحدد سبب واضح ملموس للتساقط لكن بيكون في الغالب التوتر و الانفعال العصبي الزايد هو السبب فيه و ده بيتشخص باننا نستثني تواجد الاسباب العضوية اللي ممكن تتسبب في التساقط..
ممكن التساقط عندك سببه نفسي وليس عضوي عشان كدة بنطلب منك تراجعي حالتك النفسية في الفترة اللي فاتت هل كانت مستقرة ولا لأ ؟
و كمان لو التساقط فضل مستمر ياريت نلجأ للطبيب لعمل الفحوصات اللازمة زي وظائف الغده الدرقية مثلا..
كمان لو بتاخدي دوا معين فممكن يكون هو سبب التساقط عندك و ده اللي هيقدر يحدده هو الطبيب..
بنصحك تهتمي بغذائك كويس جدا و تكتري من الخضروات و الفواكه و شرب المياه، و ممكن تستخدمي كبسولات فيتازنك مرتين في اليوم بعد الوجبات .

This site uses Akismet to reduce spam. Learn how your comment data is processed.

إجابتك