ترديد نفس الجملة والبروزاك
Mohsen طرحت منذ 6 سنوات السلام عليكم يا دكتور انا كان عندي وسواس فظيع استمر معايا ١٣ سنه مر عليا كل انواع الوساوس الفكريه والدينيه والطهارة وبذات الفكريه دمرتني لحد مدخلت علي النت وعرفت انه ليه علاج وقعدت ادور لحد موصلت للبروزاك واخدت حوالي ٦ شهور بتناوله بجرعه ٢٠ وبعد كدا حبيتها ٤٠ وبعد كدا حبيتها ٦٠ واتحسنت وخفيتها لحد مبطلته خالص وشفيت تماما منه وبعدها بحاولي ٤شهور اشتغلت في محل فكان لما يدخل اكتر من زبون بتوتر مع أن دي حاجه اصلا فيا من زمان فرجعت أخد حبايه كل ٣ايام وبعد كدا خليتها حبايه يوم ويوم ومره وحده بقيت أيام بحس باكتئاب وايام بحس بوساوس وبحس بحالات خوف وقلق من غير سبب مع اني مخدتش غير يدوب كام حبايه من الشريط مثلا ٥ روحت وقفته بس نفس النظام رجع عندي وسواس وحالة اكتئاب بدون سبب وكمان حالات خوف وقلق بدون سبب ومش عارف اتصرف ازاي هل ده بسبب اني رجعت للبروزاك تاني ولا ايه وهل بعد مسبت للبروزاك الأعراض دي هتختفي علما اني سايبه بقالي ١٠ ايام ولسه نفس الوضع عندي وساوس فكريه وقلق وخوف بدون سبب ويبقي مخنوق ومليش نفس لحاجه بدون سبب وتاني حاجه هل فعلا للبروزاك بياثر علي القدره الجنسيه علما اني شاب واستخدمته حوالي ٦شهور فخايف منه وهل لو كان بياثر الاثر ده بيستمر بعد مبطلته
1 الإجابات
دكتورة اسراء عمران إدارة الموقع answered 6 سنوات prozac يحتوى على مادة Fluoxetine و هو علاج مضاد للاكتئاب من النوع SSRI و يستخدم فى علاج حالات الاكتئاب و الوسواس القهرى و حالات الهلع و بعض الحالات النفسية الاخرى و علاج بروزاك يستخدم فقط بعد الكشف والتأكد من الحالة ويفضل الا يستخدم الا بامر الطبيب ولا يتم ايقافه فورا فى اى حالة حيث يسبب ايقافه فورا عودة الاعراض مرة اخرى يستخدم بجرعة 20 مجم للبالغين ويمكن زيادة الجرعة بامر الطبيب تدريجيا بحد اقصى 80 مجم فى اليوم و تظهر نتائج اى علاج من مضادات الاكتئاب من اسبوعين حتى 6 اسابيع من بداية العلاج يسبب بروزاك بعض الاعراض الجانبية منها الشائع ومنها النادر ومنها : مشاكل بالنوم و فقدان للشهيه و احساس بالحكة و الطفح الجلدى و جفاف بالفم و الم بالبطن كما فى بعض الحالات النادرة قد يحدث تشنجات وضعف جنسى فى حالة ايقاف العلاج فجأة قد تعود الاعراض مرة اخرى و قد يصحبها احساس بالدوار و القلق المستمر فى حالة الوسواس القهرى قد يقوم الطبيب بوصف بروزاك كعلاج ولكن يقوم ايضا الطبيب بعمل جلسات للمريض وبالتالى لا بديل عن الكشف و استخدام العلاج المناسب انصح حضرتك بالتوجه لطبيب نفسى متخصص و الكشف للتأكد من وجود او عدم وجود وسواس قهرى والبدأ فى العلاج المناسب ، كما انصح حضرتك بعدم تناول اى علاج الا بامر الطبيب اسأل الله لك الشفاء
سجل دخول أو قم بالتسجيل ليتم طرح إجابتك