إيراستابكس Erastapex

صورة دكتور علي يوسف دكتور علي يوسف
136٬555

- الدواء:

إيراستابكس Erastapex.

- التركيب (المادة الفعالة – الأسم العلمي):

أولميسارتان Olmesartan.

تحتوي نشرة الدواء على:

1- تصنيف الدواء

6- موانع استعمال الدواء

11- أثر الدواء على الحمل والرضاعة

2- البلد التي طرح فيها الدواء

7- محاذير استعمال الدواء

12- الأثر الطبي للدواء (كيفية عمله)

3- دواعي الاستعمال

8- الأثار الجانبية للدواء

13- الحركيات الدوائية

4- الشكل الدوائي والسعر

9- التفاعلات الدوائية مع الدواء

14- الشركة المنتجة

5- جرعة الدواء

10- الجرعة الزائدة اعراضها وعلاجها

15- بدائل الدواء

- التصنيف:

خافضات ضغط الدم المرتفع -  مضادات مستقبلات الأنجيوتنسن لعلاج ضغط الدم.

- دواعي الاستعمال:

    • ارتفاع ضغط الدم.

إيراستابكس Erastapex دواء drug

- الشكل الدوائي والسعر:

اسم الدواء

التركيز

الشكل الدوائي

عدد الشرائط

إيراستابكس Erastapex

20 مجم

30 قرص

3
 

40 مجم

30 قرص

3

- الجرعة:

  • البالغين:
    • جرعة البالغين لعلاج ارتفاع ضغط الدم
      • الجرعة المبدئية 20مجم مرة يوميًا ويمكن زيادة الجرعة إلى 40مجم بعد مرور أسبوعين إن احتاج المريض لخفض ضغط الدم أكثر
      • الجرعة القصوى 40مجم يوميًا
      • مع المرضى الذين لديهم انخفاض في كمية السوائل في أجسادهم (مثل المرضى الذين يعالجون بمدرات البول خاصة الذين يعانون من اختلال بوظائف الكلى) يجب خفض الجرعة مع مراقبة ضغط الدم واستجابته للجرعة المعطاة
      • تقسيم الجرعة على مرتين يوميًا ليس له أي أفضلية على إعطاء الجرعة مجمعة مرة واحدة يوميًا
  • المسنين:
    • يجب الوضع في الاعتبار بأخذ جرعة مبدئية أقل
  • الاطفال:
    • لا يُنصح بالدواء لمن هم أقل من 6 سنوات حيث لا توجد دراسات كافية عن فاعلية الدواء او امانه.
    • جرعة الصغار لعلاج ارتفاع ضغط الدم:
      • من عمر 6-16 سنة
      • اذا كان الوزن أقل من 20 كجم لا توجد دراسات كافية عن فاعلية الدواء او امانه.
      • ما بين وزن 20-35 كجم يأخذ 10 مجم مرة يوميًا ويمكن زيادة الجرعة بعد أسبوعين إلى 20مجم إن احتاج المريض إلى خفض ضغط الدم أكثر
      • إن كان وزنه 35 كجم أو أكثر يبدأ بجرعة 20مجم مرة يوميًا ويمكن زيادة الجرعة إلى 40مجم بعد مرور اسبوعين إن احتاج المريض إلى خفض ضغط الدم أكثر
  • تعديل الجرعة في حالة المرض الكلوي:
    • إن كان معدل إزالة الكرياتينين أعلى من 40 مللي في الدقيقة لا حاجة لتعديل الجرعة
    • إن كان المعدل أقل من 20 مللي في الدقيقة يجب الوضع في الاعتبار بأخذ جرعة مبدئية أقل وان لا تتعدى الجرعة القصوى عن 20 مجم يومياً.
  • تعديل الجرعة في حالة المرض الكبدي: لا حاجه لتعديل مبدئي للجرعات.

- الأثار الجانبية: من اهمها

  • الأكثر شيوعاً:
    • دوخه
  • شائعة مثل:
    • الصداع
    • ارهاق
    • اسهال
    • زيادة الدهون الثلاثية بالدم
    • الم بالظهر
    • التهاب الشعب الهوائية
    • عدوى الجهاز التنفسي العلوي: إلتهاب الجيوب الأنفية، إلتهاب البلعوم، إلتهاب الانف
    • سيلان أنفي
    • كحه
    • أعراض مثل البرد
    • ألم بالصدر
    • وذمة (تورم) طرفيه
    • التهاب المعدة والامعاء
    • غثيان
    • الم بالبطن
    • قئ
    • عسر هضم
    • نقرس
    • ألم بالمفاصل
    • التهاب المفاصل
    • فرط حمض اليوريك بالدم
    • ارتفاع انزيمات الكبد
    • دم في البول
    • عدوى المجاري البولية
    • قلق
    • أرق
    • تعرق
    • زيادة يوريا الدم
  • غير شائعة مثل:
    • دوار
    • اعياء
    • الم بالعضلات
    • زيادة الدهون بالدم
    • زيادة الكوليستيرول بالدم
    • زيادة البيلروبين
    • طفح جلدي
    • الشري (أرتيكاريا – حساسية جلدية) Urticaria.
    • حكه
    • ألم بالصدر (الم ذبحة صدرية)
    • تسارع ضربات القلب
    • نقص الصفائح الدموية
  • نادرة:
    • تشنج العضلات
    • انخفاض ضغط الدم
    • وذمة وعائية (تورم) angioedema.
    • اعتلال الكلى
    • ارتفاع نسبة الكرياتينين في الدم
    • فشل كلوي
  • معدل حدوثها غير معروفة:
    • انحلال العضلات المخططـة الهيكليـة Rhabdomyolysis
    • زيادة نسبة البوتاسيوم في الدم
    • تساقط الشعر Alopecia
    • فقر الدم (انيميا)

- موانع الاستعمال:

    • الحساسية للدواء أو أي من مثبطات الأنزيم المحول للأنجيوتنسين

    • الحمل.

    • تاريخ اصابة بوذمة وعائية (تورم) angioedema وراثية او غير معروفة السبب او بسبب تناول مثبطات الأنزيم المحول للأنجيوتنسين.

    • الاطفال في عمر أقل من سنة حيث قد يؤثر على نمو الكلى

    • تضيق الشريان الكلوي الثنائي.

    • في حالة مرضى السكري او اعتلال وظائف الكلى (معدل الترشيح الكلوي أقل من 60 مللي/الدقيقة/1.73 متر مربع) يمنع تناوله مع اليسكيرين Aliskiren (مثبطات الرينين).

- محاذير الاستعمال:

  • يستعمل بحذر في حالة تضيق الشريان الكلوي ويتجنب استعماله في تضيق الشريان الكلوي الثنائي.
  • يستعمل بحذر في الجفاف, الوذمة الوعائية, فشل القلب الاحتقاني الشديد, زيادة نسبة البوتاسيوم في الدم, أمراض الكلى والفشل الكلوي, ضيق الصمام المترالي, ضيق صمام الاورطى, اعتلال عضلة القلب الضخامي, التخدير.
  • عند حدوث وذمة وعائية (تورم) angioedema يجب وقف استعمال الدواء.
  • يزداد خطر انخفاض الضغط مع الجفاف وانخفاض الصوديوم بالدم.
  • يزداد خطر انخفاض الضغط مع الجرحات والتخدير.
  • من الممكن ان يكون تأثيره في خفض ضغط الدم المرتفع أقل في المرضى ذوي الاصول الافريقية.
  • الاستخدام المتزامن مع مثبطات (mTOR) مثل تيمسيروليمس Temsirolimus يؤدي الى زيادة خطورة حدوث الوذمة الوعائية (تورم) angioedema.
  • يستعمل بحذر مع مثبط إنزيم محول الأنجيوتنسين واليسكيرين (مثبطات الرينين) حيث ان التثبيط الثنائي لنظام الرينين-أنجيوتنسين قد يؤدي الى انخفاض الضغط او زيادة نسبة البوتاسيوم في الدم او ارتفاع في وظائف الكلى او فشل كلوي حاد.
  • يستعمل بحذر في اعتلال الكبد, فرط كوليسترول الدم حيث قد يؤدي الى الصفرا (اليرقان) الركودي Cholestatic Jaundice ونادراً قد يتطور الى نخر (موت) كبدي, يجب وقف استخدام الدواء لو ظهرت صفرا او ارتفاع انزيمات الكبد.
  • عند العلاج بعد الجلطة القلبية يجب الوضع في الاعتبار تقليل الجرعة لو وجد انخفاض في الضغط او ارتفاع في وظائف الكلى
  • يجب الوضع في الاعتبار تقليل الجرعة في حالة زيادة نسبة البوتاسيوم في الدم او ارتفاع في وظائف الكلى
  • عند تعرض حديثي الولادة للدواء في الرحم, من الممكن أن يؤدي الى انخفاض ضغط الدم بهم وقلة في البول وعند حدوث ذلك يجب اعطاء العلاج المناسب ويمكن تلزم الحاجه لأجراء تبديل للدم exchange transfusions أو غسيل كلوي.
  • لوحظ حدوث تورم وعائي للأمعاء في بعض المرضى الذين يتناولون الدواء ويظهر على هيئة الم بالبطن, وفي بعض الحالات مع عدم حدوث تورم وجهي ويكون العلاج بتوقف تناول الدواء.
  • يجب مراقبة وظائف الكلى عند استعمال الدواء, وعند الخوف من حدوث فشل كلوي يجب وقف استعماله.
  • لوحظ حدوث تفاعل تحسسي في بعض المرضى الذين يقومون بغسل كلوي بأغشية عالية التدفق.

- التفاعلات الدوائية:

لتجنب التداخلات المحتملة مع الأدوية الأخرى، يجب إخبار الطبيب أو الصيدلاني عن أية من الأدوية المتناولة في الوقت الحالي, بعض اهم تلك التفاعلات: 

    • أي دواء يحتوي على البوتاسيوم أو يزيد نسبته في الجسم مثل المدرات البول الحافظة للبوتاسيوم (مثل سبايرونولاكتون، ترايمتيرين وأميلورايد)، المكملات التي تحتوي على البوتاسيوم أو البدائل الملحية التي تحتوي على البوتاسيوم، قد يسبب زيادة في البوتاسيوم في الدم وزيادة في كرياتينين الدم في المرضى الذين يعانون من قصور قلبي. إذا كان من الضروري إستعمال العلاج المتزامن فيوصى بإتخاذ الحيطة والحذر ومتابعة نسبة البوتاسيوم والكرياتنين في الدم.

    • مدرات البول Diuretics: قد يزداد خطر انخفاض الضغط, فيجب تعديل جرعة الدوائيين خوفاً من حدزث ذلك.

    • مع مضادات الالتهاب الغير استرويدية كالاسبرين سيؤدي لزيادة مخاطر الفشل الكلوي والتأثير على فاعلية الدواء على خفض ضغط الدم المرتفع.

    • مثبط إنزيم محول الأنجيوتنسين واليسكيرين (مثبطات الرينين) حيث ان التثبيط الثنائي لنظام الرينين-أنجيوتنسين قد يؤدي الى انخفاض الضغط او زيادة نسبة البوتاسيوم في الدم او ارتفاع في وظائف الكلى او فشل كلوي حاد.

    • في حالة مرضى السكري او اعتلال وظائف الكلى (معدل التخلص من الكرياتينين أقل من 60 مللي/الدقيقة/1.73 متر مربع) يمنع تناوله مع اليسكيرين Aliskiren (مثبطات الرينين).

    • مع الليثيوم يتسبب الدواء في زيادة نسبة الليثيوم في الجسم وقد يتسبب في التسمم بالليثيوم.

    • الادوية التي تسبب افراز الرنين: مثل مدرات البول (الثيازيد) تزيد من مفعول الدواء.

    • الاستخدام المتزامن مع مثبطات (mTOR) مثل تيمسيروليمس Temsirolimus يؤدي الى زيادة خطورة حدوث الوذمة الوعائية (تورم) angioedema.

    • الذهب: في حالات نادرة الاستخدام المتزامن مع الحقن باملاح الذهب (أوروثيومالات الصوديوم) قد يحدث تَفاعُلٌ نِتْرِيتِيُّ الشَّكْل nitritoid reaction وهو عبارة عن اعراض من غثيان ,قئ ,انخفاض في ضغط الدم واحمرار الوجه.

    • يؤخذ الدواء عادة قبل ساعتين أو بعد ساعتين من مضادات عسر الهضم الحموضة

- الجرعة الزائدة:

  • قد تسبب اعراض مثل: إنخفاض ضغط الدم, زيادة في سرعة ضربات القلب, انخفاض في سرعة ضربات القلب, انخفاض في درجة الوعي, هبوطًا حادًا في ضغط الدم يؤدي للدخول في صدمة وهبوط حاد في الدورة الدموية.
  • علاجها بصفة اساسية من علاج داعم بحقن وريدي للسوائل في الجسم وعلاج لأعراض المضاعفات فعند تناول جرعات كبيرة يجب وضع في الاعتبار استخدام الكربون النشط والتنظيف المعوي أو القيئ وكذلك تصحيح الكتروليت الدم إن وجدت وينبغى مراقبة الإفرازات البولية.

- الحمل والرضاعة:

  • الحمل: يصنف العقار فى الفئة (د D) بالنسبة للسلامة اثناء فترة الحمل, فيجب منع استخدامه عند الشك في وجود حمل, لأن استخدام الادوية التي تعمل على تثبيط نظام الرينين-أنجيوتنسين في الثلث الثاني والثالث من الحمل يقلل من وظائف الكلى لدى الجنين وقد يؤدي الى ضمور في تكون رئتي الجنين والى قلة السائل السلوي (الأمنيوتي) تشوهات عظمية وفشل كلوي.
  • الرضاعة: يجب ألا يستعمل الدواء في الأمهات المرضعات.

- الأثر الطبي (كيفية عمل الدواء):

    الدواء هو من مضادات مستقبلات الأنجيوتنسن لعلاج ضغط الدم وتتسبب مادة الأنجيوتنسن 2 في ضيق الأوعية الدموية بالإضافة إلى ذلك فإنه يحفز إفراز الألديستيرون فيحفز الإحتفاظ بالصوديوم مما يؤدي إلى رفع ضغط الدم، لذلك منعها من الوصول إلى مستقبلاتها عن طريق الدواء يؤدي إلى ارتخاء الأوعية الدموية وانخفاض ضغط الدم بدون التأثير على معدل النبض.

    يرفع تركيز البراديكاينين نتيجة عدم تثبيطه من قبل الإنزيم المحول للأنجيوتنسين مما يساهم في خفض الدم

    يقلل من تطور اعتلال الكلية المرافق لمرض السكري, عن طريق توسيع الشرايين الكلوية الصغيرة ويستخدم هذا الإجراء في الوقاية من الفشل الكلوي لدى مرضى السكري.

    منع إعادة الهيكلة القلبية وهي تغيرات في حجم وشكل وهيكل وفسيولوجية القلب نتيجة ارتفاع الضغط وفشل القلب

- الحركيات الدوائية:

يتم امتصاص الدواء من الجهاز الهضمي ويبدأ تأثيره في الظهور بعد حوالي ساعة ويصل الى اقصى تأثير له بعد 6 ساعات, عمر النصف الحيوي للدواء 13 ساعة ويستمر تأثير الدواء في الجسم لمدة 24 ساعة, ويتم اخراجه في البول 35 : 50% ,والعصارة الصفراوية (البراز) 50 : 65%.

- الشركة المنتجة:  ابيكس فارما - ملتي ابيكس فارما.

- بدائل الدواء:

يمكنك معرفة البدائل المختلفة للدواء بزيارة الجزء الأخير من موضوع المادة الفعالة.

- ويمكنك أن تسأل عن سعر الدواء والبدائل المتاحه له والتي لها نفس الكفاءة وايهما اقل سعر او اي تفاصيل اخرى متعلقه بالدواء في التعليقات وسنرد عليك في خلال 24 ساعة.

الوسوم
صورة دكتور علي يوسف دكتور علي يوسف
136٬555
صورة دكتور علي يوسف

دكتور علي يوسف

دكتور قلب وأوعية دموية وقسطرة القلب التشخيصية والعلاجية. عيادة الوراق: كورنيش الوراق - 11 شارع عبد المنعم رياض، الجيزة، القاهرة. للحجز والاستعلام 01557535393

‫209 تعليقات

    1. تركيز 20 علبة 3 شرائط 30 قرص ب 42 جنيه مصري وتركيز 40 علبة 3 شرائط 30 قرص ب 57 جنيه مصري

      رد

      1. انا اشتريت علبة تركيز ٤٠ ب ٥٧ على اعتبار ان الشريط ب ١٩ وبعد ما خلصت شريطين اكتشفت ان الشريط التالت ف العلبة تركيز ٢٠ عن باقى الشرايط والصيدلية الى جبته منها بعيدة للاسف عادى لو استمريت العشر ايام دول ع تركيز ٢٠ وبعدين اجيب من تانى الى تركيزة ٤٠ ع حسب الروجته بتاعت الدكتور ولا هيكون فيها مشكلة صحيه ليا

        رد

        1. ممكن تاخدي قرصين من ال 20 مجم للألتزام بالجرعة الموصوفة لأني معرفش السبب الصحي اللي انتي وخداله العلاج

          رد

          3. سنى49سنه بحس بدوخه شديده من ايراستابكس بربو40/25/10 وبقالى 8ايام بس باخده دوخه مستمره وانا مريض سكر ايه الحل

          5. أنا مريض سكر وضغط وجلوكوما فى العين وبدأت فى علاج السكر ايراستابكس تريو وعرفت أنه بيرفع ضغط العين فماذا افعل علما بأنى أعيش بكلية واحدة

    2. دكتور سلام عليكم .. حضرتك انا مريض ضغط وعندي ٢٦ سنه كنت باخد تربلكستان ١٠/٢.٥/١٠ وقفته والدكتور قالي تاخد ايراستبكس ٤٠/ تريو قرص صباح وقرص مساءأ انا شايف ان قرصين كتير اوي ولا هو ادري بكده ؟

      رد

          1. لو سمحت يادكتور انا ولدتى كانت بتاخد كابوزايد25/50 والدكتوره غيرتهولها ل إيراستابكس 20 وانا لما شفت التعليقات انه ليه اضرار متردد اجيبه ولا لأ ممكن تنصحني بحاجه افضل وضغط امى 180/80

          3. دكتور لو سمحت انا عندى 58سنة وعندى كعك باخد قرض ايراستابكس وعمل عندى ضعف فى الانتصاب فما الحل

  3. السلام عليكم ، أعانى من ضربات القلب السريعة وارتفاع فى الضغط ، أخذت كونكور كور 2.5 لعدة شهور ثم كتب لى الطبيب سيلوكنزوك 50 ملجم هل يمكن الانتقال من كونكور الى سيلوكنزوك وماهى الجرعة التى توازى كونكور 2.5 مرتين فى اليوم ، وأرجو ذكر من الأفضل لضربات القلب

    رد

    1. الجرعة المكافئة من سيلكون زوك هيا 50 مجم مرتين يومياً ... لازم اعرف نوع ضربات القلب السريعه عشان احدد انه نوع الافضل وبالنسبه لسيلكونزوك والكونكور الاتنين مفيش فرق كبير بينهم ولو كنتي بتستخدمي واحد فيهم ومش مسببلك مشاكل ومتحكم كويس في ضربات القلب ففضلي عليه

      رد

  4. انا كنت باخد بلوكاتنس 5/160
    هل Erastapex trio 20/5/12.5 مكافئ له وتأثيره على الجيوب الأنفية لأني بعاني من حساسية الانف والجيوب الأنفية

    رد

    1. اه مكافئ له وممكن يعتبر اقوى منه لاحتوائه على ماده فعالة اضافية وهي مدرة للبول .. تأثيره على الجيوب الانفية مماثل تمام للبلوكاتنس لا قلق منه في العموم

      رد

  5. انا باخد عيار 40/5 هو مثبتلي الضغط بس في أعراض جانبية
    مثل الدوخة والحساسية هل استمر فيه

    رد

    1. اللي ممكن يحسن الحاله هو تنظيم الاكل زي البعد عن المنبهات زي الشاي والقهوة والنكافيه والسجاير وتقليل ملح الطعام وتقليل الوزن وممارسة الرياضة .. في الحاله دي مع المتابعه مع الطبيب المعالج ممكن يخفش الجرعة بالتدريج .. غير كده عند عدم الاستطاعه على اتباع هذه الارشادات وده الغالب يجب المتابعه على تناول الدواء للحماية من مضاعفات ضغط الدم المرتفع واضراره على القلب والدماغ والكلى

      رد

  7. ايرا استبكس 40 مظبط جدا ضغطى بعد طبيبى ماكتبلى ترايتاز بلس ولكن انا عايز ايرا بلس لان تراى بلس حسسنى بخفه فى جسمى وعدم تورم غير ملحوظ فى رجلى اللى لحظة طبيب القلب اللى اعطانى تراى واللى اعطانى ايرا طبيب باطنة الحمد لله مفيش غير الضغط السؤال اجيل ايرا بلس
    نسيت التراى كحيت منة شديدا

    رد

  8. لو سمحت انا لسه جديد في الايراستابكس 20 والدكتور كان صرف ليا معاه دوا للدوخه اخدته مره وقالي اوقفه ومخليني متابع علي الايراستابكس كنت باخد الكابرس وفضلت عليه لمده شهرين وبعدين في يوم لقيت الضغط عالي والدكتور صرف ليا الايراستابكس 20 بس انا خايف منه وبيسبب ليا دوخه وبحس بالام في مختلفه مش دايمه دي منه ولا ايه وايه لما احس بيه مع العلم ان الحمد لله مفيش غير الضغط

    رد

  9. دكتور على مشكورا على مجهودك .. انا مريض ضغط منذ اكتر من 5 سنوات ، وكنت اتناول كونكور 5 ومن فترة احد اطباء الباطنة كتبلى على زيستريل 10 مع الكونكور ، وايضا ظل الضغط مرتفع (100/160) ، والاسبوع الماضى زرت طبيب اخر كتبلى ايراستابكس (12.5/40) بالاضافة للكونكور وان كان غير المواعيد ، وبالفعل انخفض الضغط جدا بعد 4 ايام (70/100) ، بس المشكلة الاعراض الجانبية قوية جدا (عدم اتزان ودوخة وضربات القلب غير منتظمة وضيق فى التنفس) ، ومليت من تغير الاطباء .. هل الجرعة كبيرة فيجب تخفيض لجرعة (12.5/20) وبالنسبة للمواعيد لكلا الدوائين (ايهما صباحا والاخر بعد الغذاء) ، ملحوظة انا مريض حصوات كلى واتناول دواء يورينكس يوميا (4 اقراص على الاقل) .. شاكرا لمجهودكم الكريم وجعله الله فى ميزان اعمالكم .

    رد

    1. الاعراض دي غالبا من انخفاض الضغط اكتر من اللازم
      الافضل تاخد كونكور 5 مع ايراستابكس 20 مجم بدون اي حاجه تانيه لأن مدر البول ممكن يزود تكون الحصوات معاك
      ويا ريت تذكر سنك ولو بتتعالج من اي امراض تانيه

      رد

    2. اعاني ارتفاع ضغط الدم وجربت اسكتنشن بلس ١٠ وكنكور ١٠ وضغطي برضوا بيعلا ١٥٠ علي ١٠٠
      سني ٣٩ سنه تنصحني استخدم اي

      رد

  10. دكتور علي ازي حضرتك انا من فتره أخذت علاج تخسيس اورلي وكروماكس واتبعت نظام غذائي وبالفعل خسيت حوالي ٦كيلو ف ١٠ايام ومن بعدها خسيت أن في صداع وزعلت شويه بسبب مشاكل ف الشغل وروحت قيست الضغط تلقيته عالي جدا وروحت لدكتور وطلبت تحليل دهون ثلاثيه وبالفعل عملته ونسبه الدهون الثلاثيه طلعت ٢٠٠ والكولسترول طلع ٢٥٧ والدكتور كتب لي ع كريستول ١٠ وطلب مني امنع معظم الاكل الي هياثر ع الدهون الثلاثيه وليست الضغط اكتر من مره لقيته ١٥٠/١٠٠؛؛١٦٠/١١٠؛؛١٧/١٢٠ وبالفعل تواصلت مع الدكتور وقولتله قياسات الضغط فقالي اخد شريط واحد من ايراستبكس ٢٠ قرص قبل الفطار يوميا لحد ماروحله بعد شهر بالتحليل الجديد الخاص بالدهون الثلاثيه والكوليسترول بس من ضمن مؤثرات الايراستبكس زياده الدهون الثلاثيه مع العلم ان كنت وزني ١٣٧ وحاليا بعد شهر من اتباع نظام غذائي وصلت ١٢٦ كيلو

    رد

  11. انا سيده اخدت ايراستابكس تريو20/12.5 حديثاً من يومين لأن ضغطي 160 /105 وعمري49 ووزني 98وعندي التهاب وحصوه في الكليتين وغضروفالظهر وبحس ببرودة شديده في الظهر كأنه مبلول وهل هذا أمن أم لأ لظروفي وشكرا لحضرتك

    رد

    2. دكتور كنت باخد ارستبكس 40/10 وبعدين الدكتور خفضه الي20/5 ومشيت شهرين كويس وبعد شهرين رجع الضغط يعلي 150/90160/100والدكتور رجعني تاني 40 /10 علي الريق صباحا وبتاكور قبل العشاء وكردوره 1ملي قبل النوم الضغط حاليا 130/80 او 140/80 بس كل ماحد يشوفني يقولي وشك اصفر ومرهق هل هذا من الدواء ولا اخفض الجرعه ولا الغي علاج منهم مع العلم اني مركب 2 دعامه من سنتين

      رد

      1. هو اصفرار الوجه اكتر حاجه بتسببه الأنيميا، الإرهاق، سوء التغذية، انخفاض الضغط او بطء ضربات القلب فدور في الأسباب دي لان لازم الكشف الطبي ومعرفة التاريخ الطبي بالكامل لمعرفة السبب

        رد

  14. السلام عليكم يا دكتور ارجو افادة حضرتك والدتى عمرها ٦٨سنة وراحت لدكتور عشان ضغطها واداها كونكور ٥ولكنة مجبش نتيجة وبعدين راحت لدكتور تانى واداها ايراستابكس تريو ٢٠مجم /٥مجم/١٢.٥مجم ولكن مسبب ليها شرقة وكحة طول اليوم ومش قادرة تتحملها فمبقتش بتاخدة ورجعت تانى لكونكور وطبعا مش جايب نتيجة معاها بس الشرقة راحت ممكن حضرتك تقولى تعمل ايه وتاخد دوا ايه غيرةيجيب نتيجة من غير الشرقة؟

    رد

  15. مساء الخير
    هل للدواء ده تأثير علي الغدة الدرقية؟
    انا كان عندي زيادة إفراز الغدة الدرقية وعملت عملية وشيلت الفصل الأيسر ونصف الأيمن. الدنيا كانت ماشية تمام لحد مستخدمت ايراستابكس و يوريكوردوب.(Uricordop)
    ابتديت احس زيادة الأفراد تاني. حتي في تحليل الغدة لقيته مرتفع شوية.
    رأي حضرتك ايه؟
    وشكرا

    رد

  16. انا 44 سنة باخد ايراستابكس 40/10 كو بقالى 3 شهور حبايه صاحا - ضغطى دايما بين 145-150/100 - لكن من ساعة ما جالى الضغط من 3 شهور فى صفاره فى ودنى ملازمانى 24 ساعة وزرت طبيبن انف واذن عملى غسيل وبس ومكبش علاج - انا شاكك انها من الدواء
    مسببالى الصفاره ضيق شديد -

    رد

    1. هل الصفاره في ودن واحده ولا الاتنين هل هيا مستمره ولا متقطعه وبتزيد امتى
      هيا ممكن يكون سببها الأذن او الضغط او الدوا احتمال ان يكون سببها الدوا اضعف الاحتمالات فأنت ضغطك كده لسه عالي فالأفضل نظبط الضغط الأول ب ايراستابكس ترايو 40/10/25
      ولو مش مرتاح للدوا ممكن تاخد بداله موليفارت molivart تركيز 160/5 قرص الصبح وبالليل ده هيظبطلك الضغط ان شاء الله برضه

      رد

  17. لو سمحت يا دكتور انا باخد ايراستابكس تريو 40 10 25 ومرتاح عليه جدا الحمد لله
    بس المشكله انى سافرت السعوديه ومش موجود هنا
    ايه البديل اللى ممكن الاقيه فى السعوديه وارتاح عليه
    وشكرا لحضرتك

    رد

      1. انا عندى 63 سنة باخد الصبح قرص ايزوبتن 240 ومساء قرص ايراستابكس 20/12.5 وضغطى 105/70 هل يمكن اخد نصف قرص ايراستابكس 40/12.5 بدلا من قرص 20/12.5 للتخفيف من مادة الهيدروكلورثيازيد لانى عندى دوخة فضلا عن النقرس

        رد

          1. انا اخدت فعلا ايراستابكس 20 بدون مادة الهيدروكلوريد ثيازيد فقط وشعرت بضيق تنفس واحساس بوجود ماء بالجسم وبالتالى الدكتور كتب الطبيب ايراستابكس 20/12.5 وانا فعلا ارتحت عليه
            لكن الضغط انخفض بسبب البول الكثير واحيانا يكون فيه دوخة بالذات اثناء الصلاة عشان كده سؤالى هل يمكن تخفيض مادة الثيازيد بتناول نصف قرص 40/12.5 وبالتالى ساتناول 20/6.25

          3. دكتور اناوالدى70 سنه وبياخد ايراستابكس 20بلاس وعنده نقرس وبياخد فازوبين 5 عصرا وبياخد دوزين 4قبل النوم
            هل ايراستابكس 20بلاس مناسب وغير ضار للكلى والمعده والنقرس وهل هناك بديل مناسب او افضل له الكو او تريو

  19. السلام عليكم
    انا مريض ضغط وسكر وباخد للضغط اكسفورج اتش سى تى 10 _ 160 _ 25 ومظبط الضعط كويس
    عايز احوا على ايرستابكس 20 فقط عشان سعره مناسب مع ظروفى
    نصيحتك دكتورنا بارك الله فيك

    رد

  20. كنت باخد ايراستبكس ٢٠ وماڤيلور ٥ لمدة شهرين ونصف وياخد معاهم بيتاسيرك وستوجيرون لمدة شهرين عشان دوار وطنين بالأذن اليسرى ومن كام يوم شعرت بصداع ووجع في الدماغ وأما كشفت عند الدكتور قال الضغط عالي ١٦٥/١٠٠ وغير العلاج ل ايراستبكس كو ٤٠ /٥ ووقفت الماڤيلور طبعاوكنت بقلل البيتاسيرك لآخر جرعة وهي آل ١٦ على قرصين ٨ في اليوم
    وأما اخدت علاج الضغط الجديد تعبت جدا من صداع ووجع في عظم دماغي واضطريت ارجع للعشرين من نفسي تاني يوم واخدت منه قرصين وحسيت بتحسن واخدت تاني آل إيرا ٤٠ في اليوم اللي بعده حسيت بنفس التعب بتاع اول يوم ودوار شديد خلاني زودت جرعة بيتاسيرك ل ١٦ الصبح و٨ بالليل
    أرجو الإفادة هل التغيير ل الايرا ٤٠ /٥ غير مناسب ليا ومع العلم ان ضغطي حاليا ١٢٥/٨٥
    وهل بيتاسيرك له أضرار ع المدى البعيد لأني حاسة انه هو السبب في الدوار عشان جرعته قلت
    وللعلم دي ثالث مرة اخد بيتاسيرك وأوقفه بالتدريج واشعر بنفس الإحساس من وجع الدماغ وتقل في حركتها وكنت باخد علاج للضغط وقتها كمان بس للأسف كل مرة اشتكي من الدوار يلاقي الدكتور ضغطي عالي ويغير العلاج ويقولي خدي بيتاسيرك وستوجيرون شهر ووقفي ويتكرر تاني الموضوع اول ما ابدأ اقلل جرعهم فهل هناك علاقة بين علاج الضغط وبيتاسيرك

    رد

    1. مفيش علاقه بين البيتاسيرك وعلاج الضغط
      والضغط 125/85 كويس جدا استمر على العلاج اللي موصل ضغطك للقراءة دي
      لو لسه في دوخه مع قراءة الضغط دي لا تغير الدواء ولكن ابحث عن اسباب الدوار الاخرى كالانيميا - ارتفاع او انخفاض السكر بالدم - الارهاق - عدم انتظام النوم - الاذن الداخليه وده بيحتاج كشف طبي وتحاليل طبعا حتى نحدد سبب الدوار

      رد

  21. عمري 38 سنة مريضة ضغط من 3 سنين كنت باخد كونكور 5 صباحا وزيستريل 10 مساءا لكن ضغطي كان بيوصل 160/100 فالدكتور غير الدوا ل ايراستابكس بلس وضغطي اصبح 120/80 لفترة لكن من اول يوم من تناول الايرستابكس كانت ضربات قلبي سريعة جدا مع اقل مجهود ورغم كدا استمريت في تناوله لان الدكتور قال إحتمال يكون بسبب علاج الغدة لاني عندي خمول في الغدة الدرقية
    في نفس توقيت العلاج بالايرستابكس تقريبا بدأ يحصل وش في الاذنين وصفارة في اذني الشمال وكشفت عند دكتور انف واذن وعملت مقياس سمع وطلعت الأذن سليمة وسبب الوش مش منها
    وكمان بعد حوالي شهرين من تناول الايرستابكس بلس ضغطي نزل فجأة لدرجة كان بيوصل ل 90/60 فالدكتور قالي وقفي الايرستابكس بلس مؤقتا وقالي قيسي الضغط لو وصل 140/90 خدي ايراستابكس 40
    هل الوش المستمر الحاصل في اذني بسبب الايراستابكس وهل بعد نزول الضغط كدا هيكون مناسب اني اكمل بنفس الدوا حتى لو كانت الجرعة مختلفة دا غير ضربات قلبي السريعة اللي حصلت اثناء فترة تناوله واختفت بعد التوقف عنه؟!

    رد

      1. السلام عليكم. عمري ٣٥ سنه ولسه باخد دوا ضغط من ٦ شهور تقريبا كارديلول ٢٥ صباحا وايراستابكس ٢٠ م مساءا الضغط اتظبط الحمدلله لكن ديما حاسس بتعب وخمول وفي تأثير سلبي جدا على العلاقه الزوجيه وايضا وش في الأذن فهل هذه الادويه تسبب ذلك خصوصا ان الأعراض دي مكنتش موجوده قبل الاستخدام وشكرا لحضراتكم

        رد

  23. SGPT (ALT) 104
    SGOT (AST) 54
    Serum Triglycerides 361
    VLDL Cholesterol 72
    كنت بستخدم زيستريل 20 غيرته ب ايراستابكس 40/5 وقريت ف الاثار الجانبيه انه بيعلى الدهون الثلاثيه والانزيمات والدكتور كتبلى العلاج وهو شاف التحاليل وبالرغم من كده كتبهولي عايز افاده اعمل ايه ؟

    رد

  26. انا كنت باخد نص مودازار 25 م بس للاسف اتمنع م السوق ودلوقت دكتور كتبلى ايراستاكس 40 بس مش مريحنى
    ايه اللى ممكن اخده ذى مودازار يا ريت تفيدنى يا دكتور

    رد

    2. انا سني 56,سنه و ماكنتش يعاني من اي شيئ و لكن وعند قياس الضغط أثناء فحص عند الطبيب وجده 160/105كتبلي دواء ايراستبكس 20بلسبس الحقيقه بقي بيوطي له الضغط جدا دلوقتي هو خلاني اخد قرص ايراستبكس بلس 20يومي السبت و الاربعاء واخد دواء ايراستبكس 20بدون مدر للبول يوم الاثنين جرعه maintance و باقي الاسبوع بدون دواء أنا مش متابعه قياس باستمرار بس ساعات تقيس بالجهاز الزئبقي الاقيه 150/90او 150/100و بعدين نعيد القياس تاني نلاقيه 120/80و لما بقيس بالجهاز الديجيتال بلاقيه في الحدود الامنه مش عارفه انهي جهاز أدق و انهي جهاز اخد قرائته و كمان خايفه الأيام اللي مبخدش فيها الدواء يكون ضغطي ليرتفع و أنا مش حاسه خاصه إني اكتشفت اني مريضه ضغط بالصدفه هو الدكتور بيقول أنه بيديني اقل جرعه تظبط الضغط و لكن انا خايفه من أن يكون ضغطي بيترتفع هل في مشكله لو أخدت ايراستبكس بلس 20يومين في الاسبوع و باقي الأيام اخد نصف قرص ايراستبكس 20بدون مدر بول

      رد

  28. هل ايراستابكس كو 40/5 يؤثر علي الانتصاب ؟؟؟
    و ما هي قراءات الضغط الطبيعية للرجال المدخنين في عمر 42 سنة و يستهلكون 5 اكواب شاي خفيف يوميا ؟؟

    رد

  29. عندي حصوات بالكلى وضغطي ١٥٠/١١٠ الدكتور أعطاني ايرستابكس٢٠ بلس نزل الضغط ل ١٢٥/٩٠ بس فيه دوخه فهل الدواء مناسب وخاصة لحصوات الكلى

    رد

  30. لو سمحت انا عمري ٣٢ سنه وكنت باخد كوتارج ١٦٠/١٢.٥
    وضغطي اتظبط عليه فتره !!! بس بعد كدا بقي عالي تاني رحت للدكتور وكتبلي ايراستابكس تربو ٢٠ الضغط نزل من ١٥٠/١٠٠ الي ١٤٠/٩٠ هل استمر عليه ولا ازود الجرعه الي ايراستابكس تريو ٤٠/١٠/٢٥ ؟!!!!! برجاء الإفادة مع ان عندي زيادة في ضربات القلب وضربات القلب عير منتظمه
    شكرا لذوق حضرتك

    رد

    1. الافضل الاستمرار على نفس الجرعة والقياس بعد اسبوع لان في الغالب الضغط هينزل كمان مع الصيام ومع الاستمرار على الدواء وهل بتاخد حاجه لعدم انتظام القلب؟

      رد

  31. متى يؤخذ ايرا ستبكس بلاص فى رمضان هل عاى الريق قبا اى شئ ام بعد الماء والتمر وقبا الوجبه..مع خالص الشكر

    رد

  32. انا عمري 54سنه باخد ايراستابكس تريو20/5/12.5 بقالي ااسبوع الضغط اتحسن لكن بقي فيه همدان وشعور بالصيق والترفزه وبقيت اتعب بسرعه وانا من النوع اللي لما اشوف جهاز الضغط الضغط يعلي لوحده طبعا الضغوط النفسيه مستمره معاي مسببه اضطراب في التوم علشان كده مش عارف اعمل كنترول والدكتور اللي انا متابع معاه عطاني خافض للكولسترول مع علاج الضغط من غير تحليل عايز اتخلص من العصبيه واعرف ان انا ماشي صح

    رد

  33. دكتور والدتى 43 سنة حصلها ارتفاع بسيط فى الضغط وثابت بقاله اسبوع على ١٤٠/٩٠ اول مرة يرتفع وتحاليل الدهون كويسة الحمد لله بس مأثر على دماغها وتعاملها وجع ودوخة هل تاخد اريستابكس عادى ؟ وينفع لو الضغط اتظبط توقفه ؟

    رد

  34. السلام عليكم يادكتور
    أنا عندي ٣٠ سنة ويعتبر بادئ أخد دواء ضغط
    بأخد نيفيلوب ٥ مللي والضغط مظبوط عليه بس بحس بصداع و دوخة بس مش عارف هل من الدواء ولا لا
    ولو الدواء بيعمل كده إيه أفضل بديل ليه
    وعاوز أعرف بيأثر علي الانتصاب ولا لا
    شكرا يا دكتور

    رد

      1. لو سمحت أنا مريض ضغط بقالى شهرين و باخد ايراستابكس 20 بع الفطار وبرضة الضغط عالى يعن 150/95 مش عارف ممكن اخد أية وهل الدواء مدر للبول

        رد

  35. دكتور السلام عليكم ورحمة الله وبركاتة منذ يومين ذهبت للطبيب وقاس الضغط ووجده 170/100 وكتب 40/5 ايراستابكس erastapex حبة عند الفطار ( في رمضان) وفي نفس اليوم حللت والدهون الثلاثية 217 و HDL Cholesterol 48 and VLDL 43 وهذه أول مرة اخد دواء ضغط وحاسس يدوخة ودوار وعاوز انام على طول علما بان الطبيب لم يتطلع على التحاليل لأنه في اجازة ومش عارف اعمل ايه هل من نصيحة لهذه الدوخة ( وظائف الكلية والدم طبيعية)

    خالص تحياتي

    رد

    1. ملاحظة انا بعمر 57 ولا اعاني من اي أمراض مزمنة والحمدلله فقط الضغط ومنذ يومين فقط ( ابلغني الطبيب انني أعاني من الضغط منذ اكثر من شهر دون ان اعرف)

      رد

  36. السلام عليكم ورحمه الله وبركاته انا استعمل ايرستابكس ٢٠ هل استطيع ان انقص الجرعة الى ١٠ فقط او حتى الغاء استخدمة نهايئة الاحداث الجارية الان بتاع كورونا جننت الواحد كل ماحد يتكلم يقول الامراض المزمنة ايو الحل طيب نموتزنفسنا. وخلاص ولا فية حل

    رد

  37. دكتور كنت باستعمل اتاكاند ٨ من ه سنوات صباحامعه كابوزايد مساء ارتفع ضغطي الي ١٩٠ علي ١٠٠ بعد اصايتي بضيق في الشريان التاجي قام الطبيب بتغيير العلاج الي ارستربكس ٢٠ تريو
    اريد ان اعرف ايه الفرق بين تريو و كو و بلاس

    رد

  38. انا بتناول ايراستابكس 40 مع نور فاسك والضغط كويس ولكننى اصيبت بالنقرس وعندما اوقفت الايراستابكس تحسن النقرس وارتفع الضغط ارحو معرفة بديل الايرستابكس علشان ميرجعش النقرس

    رد

  39. اشكرك د على انا غمرى 65 عام الضغط كويس مع ايراسابكس 40 ونورفاسك 5 نلل ولكننى اصيبت بالنقؤس هل فية بديل

    رد

  41. بستخدم الان تريتاس ٥ وضغطي مش مضبط ١٥٩ علي ١٠٥ ما الحل مع العلم كنت بستخدم اسكتنشن بلس ١٠ وكنكور ١٠ وبطلت الكنكور علي فترات مع تقليل الكميه وضغطي متظبطش عليهم الحل

    رد

      1. صباح الخير يا دكتور
        عندى٤٧سنة باخد دواء الضغط بقالى ٦ سنين كنت باخد ايراستابكس لفترة طويلة لغاية ما لقيت دائما عندى دوخة و صداع و ميل للتقيؤ الدكتور كتب لى ايراستابكس كو بس كنت تعبانة دلوقتى باستعمل ايراستابكس بلس ٢٠ المشكلة انى عندى امساك مستمر حتى مع الملينات واكل الفواكه و الخضروات بكميات كبيرة عملت عملية بواسير لكن عندى حركة الأمعاء ضعيفة جدا وإمساك شديد للغاية مع وجود الم فى الأذن اليسرى من وقت لآخر
        أعتقد أن الامساك الشديد بسبب الايراستابكس بلس هل يوجد علاج بديل غير مسبب للامساك جزاك الله عني كل خير

        رد

  42. ايه الفرق بين الاسترباكس والاستراباكس بلس
    انا باخد استرابكس 40 كل يوم ماعدا الجمعه والثلاثاء باخ استراباكس بلس 40
    هل دا صح
    شكرا

    رد

      1. دكتور لوسمحت والدتي٥٠ سنة عملت عملية تكميم من اسبوع وهي عمرها ما كانت بتعاني من الصغط بس قاسولها الضغط قبل العملية كان ١٥٠/٩٠ وبعد لما خرجت من العملية كان عالي جدا واعلى حاجة وصلها كانت ١٨٠/١٠٠ وادوها حباية تحت اللسان ولزقولها باتش عشان الضغط ينزل و كل ده وصله ل ١٤٠/٩٠ في الاخر ومن بعدها الضغط مش منتظم وعالي بيوصل ل ١٨٠/١١٠ وراحت لدكتور وكتبلعا نورفاسك ٥مجم ونص قرص موديوريتك وفعلا ضغطها نزل شوية وكان بيوصل ١٣٠/٨٥ بس المشكلة انه مكانش منتظم وكان بيرجع يترفع لوحده فراحت لدكتور تاني وبعد كدة كتبلها على ناتريكسام ١٢.٥/٥ بس ده مكانش فيه استجابة ليه خالص بالعكس الضغط مكانش بينزل ده كان بيرتفع ل ١٦٠/١١٠ فالدكتور قال ترجع لنورفاسك وتمشي عليه ولو مجابش نتيجة تاخد نورفاسك ١٠ وقرص موديوريتك فهل فعلا ممكن النورفاسك ١٠ لما تاخده ينزلها الضغط ولا احنا بنضيع وقت على الفاضي مع العلم ان هي الدورة الشهرية عندها كانت محتبسة حوالي اسبوعين ولسة جيالها فهل اصلا ممكن يكون ارتفاع الضغط بسبب احتباس الدورة
        شكرا لحضرتك

        رد

  43. مساء الخير يادكتور انا مريض ضغط من اكتر من عشر سنين انا عندى 55سنه وكنت باخد كنكور بلس 5من التامين الصحى وبعدين كشفت عند دكتور خاص كتبلى ايراستباكس كو5/20ولكن للاسف مجبش نتيجة مع انى استمريت عليه فترة تتجاوو سنه ونصف وبعدين رحت لدكتور تانى كتبلى اكسفورج 12.5/160/5لكنه غالى فكتبلى ايراستباكس تريو
    12.5/5/20 مشيت عليه كويس لمدة اسبوعين وبعظين لقيت الضغط بيعلى تانى هل ممكن استعمل ايراستباكس 25/10/40
    ولا ممكن يكون فيه مشكله ارجو الرد وشاكر لحضرتك واسف على الاطالة

    رد

  44. عمري 46 عام كنت استخدم كنكور5 وبعدها الدكتوى غيري كذا دواء والحين استخدم ايراستبكس كو 40/10 صباحا واندرال 10 مرتين في اليوم
    لان ضربات قلبي سريعه كهرباء زياده
    فهل في بديل ليهم افضل لان في صفاره جامده بودني من ساعه ما استخدمت ايراستبكس
    وشكرا

    رد

  45. انا مريض ضغط عالى سنى ٤٨ سنة وعندى فشل كلوى بقالى اكتر من شهرين ضغطى عالى بيوصل ساعات ل ٢١٠ /١٢٠ رحت لاكتر من دكتور وكتبولى على علاجات كتير للضغط لدرجة انى كنت باخد ٤ انواع علاج ضغط فى اليوم ومع ذلك مبينزلش مع العلم انى كنت ماشى على كنكور ٥ لفترة طويلة وضغطى كان كويس دلوقت انا ماشى على ايراستابكس كو ٤٠/١٠ مجم قرص صباحا وكارفيد٢٥ مجم قرص مساء بقالى يومين الضغط ١٧٠/١٠٠ بعد اد اية احس ان العلاج دة فعال ولا لأ مع العلم انى بغسل كلى

    رد

  46. السلام عليكم داومت منذ عامين على استخدام كوفرسيل بلاس 5/1.25 ومعه نبيليت 5 وكان الضغط مضبوط 120/80 ومنذ حوالى شهرين شعرت بالكحة الشديدة واحمرار الوجه عند الكحة وعند زيارة الطبيب اوقف الكوفرسيل واستبدله ايراستابكس بلس 20/12.5 ولكنى بعد مرور ثلاثة أيام الضغط ارتفع إلى 140/ 100 هل ارفع الجرعة إلى 40 من ايراستابكس مع النبيليت5 وهل يوجد اعراض جانبية من ذلك أم حضرتك تفضل التحول إلى نوع بديل للايراستابكس يكون أقوى..وشكرا

    رد

  47. السلام عليكم يا دكتور

    لو سمحت يا دكتور أنا عايز اعرف انهي دواء أكثر فاعلية ابروفيل 300 ام استرابكس 40 ؟ علما بأني باخد كمان سليكون زوك 100.

    رد

  48. سني 45سنة وياخد كونكور2,5من فترة كبيرة ضغطي علي فجأة وصل 170/110رحت للدكتور أعطاني ايراستابكس20مع الكونكورد من ساعه ما اخدته وفي نغر تحت صدري الشمال وألم منتصف الصدر عند التنفس كأني مش مرتاحة ياتري من ايراستابكس

    رد

  49. دكتور السلام عليكم ورحمة الله وبركاته
    انا كان ضغطي ١٥٠ /١٠٠ والدكتور كتبلي ايراستابكس بلس ٤٠ مجم والحمد لله الضغط ١٢٠/٨٠ وأشعر عند المشي والمجهود بعرق غزير وارتفاع في النبض ١١٥ وايضا طنين في الأذن وخصوصا اليسري.بالاضافه الي دوخه

    رد

    1. مشكلة الاذن في الغالب هيا اللي مسببه الدوخه لازم تكشف عند طبيب الانف والاذن
      بالنسبة لسرعة ضربات القلب يجب ان تبتعد عن المنبهات خالص زي الشاي والقهوة والنسكافية حتى لو وباللبن ووقف التدخين وان لم يحسن هذا عدد ضربات القلب فيجب مراجعة طبيبك

      رد

  50. انا أخذ ايراستابكس تريو وبعد فترة اشعر بالألم في عضلات الكتف والرجل وأوقات في العظام سالت طبيب قال لي هذا نقص بوتاسيوم هل هذا من اثار الجانبية للدواء ام ان الدواء يزيد من البوتاسيوم في الجسم علما انني باخد ايراستابكس تريو مع كونكور ٥ عادي

    رد

  51. مساء الخير يا دكتور أنا عندى 45سنة كشفت من حوالى سنتين وكان الضغط 190/120الدكتور كتب علاج وكنا بنغيرة كل اسبوع لعد الاستقرار في الضغط لحد ماستقريت على ويندبين 5 و ايجيبرو 5 وسيدوفاج500 و اسبرين 100وبيورنكس 1 لإدرار البول وبعد فترة حسيت بآلام في الصدر كتبلى نيترو ماك 2.5 وبيلافيكتونال75 وكان عندى صداع بيروح ويجى واستمر الم الصدر عملت رسم قلب عادى وبالمجهود فقرر عمل قسطرة قلب طلع تصلب فى الشرايين التاجية واستمريت على العلاج ومن شهر 11/2020 جالى كورونا اخدت علاج لها مع علاج الضغط والحمدلله خفيت منها ومن حوالى شهر حسيت بالم فى الصدر عملت رسم قلب طلع مش مظبوط فكرر الدكتور عمل قسطرة قلب وعملتها من اسبوعين وطلعت الشرايين كويسة وكفاءة القلب 70% وقال استمر على نفس العلاج من غير بيلافيكتونال وبعدها بيومين لقيت الضغط 155/109 وكان فى وجع فى الصدر وحرقان بيروح ويجى وكان بيحصل ديق تنفس عند النوم وعدم التنفس من الانف للانسداد رحت لدكتور انف واذن قال يوجد التهاب بسيط في الغضاريف وكتب علاج انتودين 20 صباحا واوميز 20مساء و2قرص سبازمو -امريز قبل النوم بساعتين ونقط نوستامين للانف عند النوم واستمر الم الصدر مع ارتفاع الضغط مع الشعور برعشة وعرق وصداع وعدم التمكن من النوم ورحت لدكتور القلب وغير العلاج كتب ايراستابكس كو 20/5قرص على الريق وانتودين 40 قبل الفطار بساعة مع اسبرين 100وسيدوفاج500وايجيبرو 5 ونيتروماك 2.5 صباحا ومساء وكتب كيبرون نصف قرص كل 12ساعة ومنع علاج دكتور الانف والاذن مع الاستمرار على نقط نوستامين عند اللزوم واخدت العلاج زى مقال من غير كيبرون خفت من الآثار الجانبية وحصل برجلة فى جسمى ولقيت الضغط بدأ بالهبوط حتى وصل إلى 106/61 مع عدم استقرار في الضغط فجأة يحدث ارتفاع الانقباضى وانخفاض فى الانبساطى وفجأة انخفاض الانقباضى وارتفاع الانبساطى مع برودة شديدة في القدمين وبرودة فى الجسم والاحساس بدوار مع الم في الوجه والفك السفلي وتشنجات في جفوني رحت للدكتور تانى يوم 8/3 وقال استمر على العلاج مع تغيير ايراستابكس كو20/5 إلى ايراستابكس 20 و ايقاف نيتروماك واخدت ايراستابكس 20 ولقيت الضغط 109/78 ودقات القلب 88 مع العلم أن كان دقات القلب عندى بين50 و60 فأرجو المساعدة ماذا افعل لعدم احساسي بالراحة مع وجود الم بسيط في الصدر وحرقان بسيط واعتذر على الايطالة وذلك لتوضيح الحالة من البداية ارجو سرعة الرد بسبب حالتى ولو لقيت الضغط مش عالى مثل 118/78 أو 125/89ممكن مخدتش حباية الضغط الصباحية أو المسائية

    رد

  54. السلام عليكم ورحمة الله وبركاته ازيك يا دكتور بخير ربنا يطمنا عليك
    انا بأغاني من ارتفاع الضغط
    عملت كل التحاليل الطبيه اللازمة ونتيجتها كانت سليمة فأعطاني الطبيب مافيلور ٥ مج اقراص وظبط معايا الضغط
    بعد سنة ارتفع الضغط تاني واعدت التحاليل وكانت طبيعية فكتب لي كوفرسيل ٥ مج
    لكن لسة مرتفع ١٣٥ على ٩٠ و١٤٥ على ١٠٠
    فكتب لي ايراستابيكس ٥مج
    السؤال هل اخد ايراستابيكس وهل هو مناسب

    رد

      1. لدي شك في اخذ الجرعة من ايراستابكس تريو ٤٠/٢٥/١٠ في موعده ... ما العمل .. هل ااخذه تاني ام لا

        رد

  56. اانا كنت باخذ ايراستابكس ٤٠/٢٥/١٠لمده شهرين الضغط مضبوط ١٢٠/٨٠وفجاه اول رمضان نزل الضغط٩٠/٦٠الدكتور غيره كنكور٥بلس وماشي عليه لان لمل نزل الضغط حصلي زغلله ودوخه امشي علي الكنكور مع اني شغطي ١٣٥/٩٠وسني٥٧ووزني ٨٠

    رد

      1. لو سمحت يادكتور انا باخد إيراستابكس 20/5 بس اكتشفت إنة ظغطي نزل عن الطبيعي اعمل اية

        رد

  57. سني ٣٣سنه
    باخد ايراستابكس تريو من سنتين وحاليا ضغطي بينزل عن الطبيعي لان عملت رجيم ونزلت ٤٠كيلو من وزني وحاليا بحس بدوخه وزغلله
    قست ضغطي بعد الدواء ب١٢ساعه
    كان ١٠٣/٥٣
    ماذا افعل

    رد

    1. اولا مش لازم الجرعه في نفس التوقيت بالظبط.. يعني لو الميعاد ٨ وخدتها ١٠ مش مشكله.. ثانيا ممكن ترقم الشريط بأيام الاسبوع السبت = ١ والأحد = ٢ وكده تبقى عارف لو فيه اي يوم مخدتوش

      رد

  60. السلام عليكم عملت تحليل كولسترول ودهون ثلاثية كانت عاليه والدكتور كتبلى ايرا استابكس 40 مجمللضغط+زيروفازيت للكلوسترول والدهون الثلاثية10/10+ اوميجا 3بلاس لمدة شهر والضغط عندى كان مرتفع الفترة الماضية 160/100 وكان بيزيد وينزل تانى

    رد

      1. حضرتك انا اكتشفت انى مريض ضغط وضغطى كان ما بين ١٧٠ او ١٨٠ على ١٠٠ او ١٢٠
        والدكتور كتبلى ايراستابكس تريو ٤٠/١٠/٢٥
        والضغط بداء ينزل لاكن تفاجأت بضعف فى الانتصاب اية البديل

        رد

  62. لو سمحت يا دكتور انا بقالي حوالي 18 سنه بآخد لودوز5/6.25 وانا بتعالج من التهابات في المعدة الدكتور قاس ليا الضغط وجده 150/100 فكتبلي ايراستابكس40 وفي اليوم التالي وجدت الضغط 154/85 مع احساس بالتعب فهل اعود للعلاج السابق وهل لودوز 10/6.25 يفي بالغرض . وشكرا جزيلا .

    رد

  63. السلام عليكم يا دكتور انا كنت باخد اكستنشن بلس ١٥٠ بس كان بيدروخني والصيدلي قاللي خد نص قرص وكان النصف قرص بيظبط الضغط وفي التامين ادولي لوراز ٥٠ علي ١٢.٥ وظبط الضغط بس سواد اللوراز او الاكستنشن بلس بيسببولي ضعف جنسي شديد ممكن اغير لايه

    رد

  64. لو سمحت يادكتور انا عندى 52 سنه وباخد علاج للغط بقالى سنتين كيبوتن وكنت مرتاحه عليه لكن من فتره بقيت باخده وضغطى فضل عالى وبقى عندى وجع جامد فى راسى من فوق رحت للدكتور زود الجرعه من 25 ل٥٠ وبرضه فضل عالي رحت لدكتور تانى لقاه عالى برده فغيره للايراستابكس ٢٠ بس بعدها حسيت بوخه شديده واحساس بالقىء وعدم الراحه وهبوط شديد وكل شويه اعمل حمام كتير فوقفته من نفسى ورجعت اخد الكيبوتن تانى ال٥٠ ومنيش عارفه هو مظبوط الضغط ولاايه ومعتش رحت تانى

    رد

  67. ‏السلام عليكم ازيك يا دكتور لو سمحت انا باخد علاج ضغط الكابرس 10 وجاة الضغط ارتفاع تاني كلمت الدكتور قالي علي علاج erastapex 40 مع الكابرس 10 بس لما باخد العلاج بيحصل هبوط عندي ويكون الظغط 110/66 او 118/72 فلزم اخد الاتنين مع بعض ول اعمل اي انا اسف علي الازعاج
    ينفع اوقف الكابرس واخذ erastapex 40بس
    وشكرا

    رد

  69. دكتور. السلام عليكم. انا عمري ٥٢ سنه باخد كودوفان 12.5/160. سعره مرتفع. ممكن اخد ايراستابكس بلس 12.5/40،كبديل عنه. وشكرا

    رد

  70. دكتور سلام عليكم انا كنت باخد ايرستابكس بلس20/12.5 ماشى عليه بقالى 3 سنين دلوقت بقالى اسبوع الضغط 150/100 مع عدم انتظام فى ضربات القلب غيرت لايرستابكس بلس 40 وبرضه مافيش فايدة مش عارف أغير لإيه علشان الضغط يضبط معايا حضرتك تنصحنى بإيه؟! ومش عايز حاجه تؤثر على العمليه الجنسية شكرا

    رد

  71. كنت باخد كونكور خمسه بلس والضغط أربع سنوات والضغط على مرة واحدة الدكتور كتبلى سيلوكنزوك 50 صباحا وقرص مساءا وماغنسيوم بلس والضغط عالى 160/110 الصيدلى نصحنى بايرابكس 20بلس تنصحنى ايه يا دكتور مع العلم ان فى كوليسترول عالى وفترة سيلوكنزوك 50 لا يوجد انتصاب الحل ايه جزاك الله عنا خيرا

    رد

  72. ايرا ستابكس بلس ١٢.ه/٢٠ الضغط فى النهار ١٠٠/٧٠ فى الليل ١٣٥/٨٦ شعور بدوخه مستمرة مع دقه زياده فى القلب بعد ايرا ستابكس بلس ظهرت الاعرض ديه مع العلم كنت باخد كونكور ٥ بلس ومفيش الاعراض ديه غيرت لايراستابكس بلس ٢٠ ظبط الضغط كما ذكرت لكن مع وجود الاعراض المذكورة السن ٤٢ ذكر تنصحنى بأيه يادكتور خالص الشكر والتقدير لمعاليك

    رد

  73. عمري 42 وضغطي يرتفع ل160/110 وصف لى الطبيب ايراستابكس 20 ولكنى اشكو من الم بالمفاصل والعضلات والكحه الغير مبررة من يوم ما اخذت هذا الدواء اريد بديل لا يسبب الحكة وخاصة انى مريضة حساسية صدر

    رد

    1. اتاكاند بلاس
      والأفضل كشف لاستبعاد وجود التهاب في الجهاز التنفسي
      واقرا هذا المقال لمعرفة مزيد من المعلومات أطباء مستشفيات العزل: الدليل الكامل لعلاج والتعامل مع اعراض البرد والالتهاب الرئوي بما فيها حالات الاشتباه والمؤكده في ظل وباء كورونا

      رد

  74. اعاني من ارتفاع الضغط والطبيب غير لي الدواء من نورفاسك ٥ جرام الى ايريتابكس كو ٢٠/٥ لكن ملاحظ انه مؤثر على الانتصاب

    رد

  75. انا عمري ٥٢ وبتعالج من الضغط المرتفع والدكتور كتب لي اكسفورج اتش سي تي5 وبيتاكور ٨٠
    هل ممكن استبداله ب ايراستابكس تريو 20/12.5/5
    مع العلم بتعالج من تضخم البروستاتا الحميد

    رد

  76. السلام عليكم انا مريض ضغط سني ٢٥سنه كنت باخد مافلور ٥ بس منفعش والدكتور غيره لاراستابكس ٢٠ بحس بهزلان وضعف والم في العضلات والمفاصل وخصوصا الرجلين والادين وبحس بالم شديد يشبه الصداع عند القراءه بصوت عالي ولا استطيع مواصة القراءه فهل هذا بسبب الاراستابكس وان كان لا فما السبب ولك جزيل الشكر

    رد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى