ما علاج البروسيلا

مجهول طرحت منذ 6 سنوات

توضيح للسؤال عن الحمى والبثور والطفح
هى كانت حمى بروسيلا قبل ذلك وتعالجت منها  لمدة شهرين وبعدها عملت تحاليل البيروسيلا وتحسنت الحالة
ثم لم أكمل العام حتى عادت أعراض المرض مرة أخرى وعملت تحاليل البروسيلا ووجدت فيه نسبة بيروسيلا مرة أخرى وبدأت أخذ العلاج لكن نسبة الشفاء كانت ضعيفة
ثم بعدها بعام أو أقل شعرت بنفس الأعراض وحللت ووجدتها وهكذا ثلاث مرات
وفى كل مرة كان يوجد طفح جلدى وبثور ملتهبة تنتهى مع العلاج

**أما أخيرا :فقد حللت ووجدت حمى تيفود وكان التتر 1/320
و1/160
ولكن الحالة هذه المرة شديدة الأعراض وشديدة الطفح الجلدى والبثور المتقيحة الملتهبة


1 الإجابات
دكتور علي يوسف إدارة الموقع answered 3 سنوات

البروسيلا والتيفويد من الامراض المستوطنه في مصر وممكن يكون عندك الميكوربين واغلب الظن ان البثور دي من البروسيلا وانها لسه موجوده لازم التأكد بالكشف الطبي عليها وعمل تحليل تتر البروسيلا والبروسيلا بتتنقل من الحيوانات ذي الماعز والخرفان والجمال والماشيه والكلاب للإنسان من فضلاتهم والتراب اللي همه عايشين فيه كمان من شرب الالبان اللي مش مغليه كويس او اللحمه اللي مش مطهيه كويس فلازم البعد عن الحاجات دي عشان تجنب الاصابه بالمرض والحيوانات المصابه لازم عرضها على الطبيب البيطري

العلاج البروسيلا اصعب حاجه فيها انها بترجع تاني لذلك لازم استخدام كذا دوا مع بعض ولمدة لا تقل عن شهر ونص في كذا طريقه للعلاج بس اكتر طريقه بتمنع رجوع المرض ودي المفضله في حالتك
– doxycycline دوكسيسايكلين 100 مجم كل 12 ساعه لمدة 6 أسابيع
ciprofloxacin سيبروفلوكساسين 500 مجم صباحا ومساء لمدة 6 اسابيع

في الحالات المقاومة للمضادات الحيوية يتم اضافة
- rifampicin ريفامبيسين 600 مجم يومياّ
- تريميتوبريم - سلفاميتوكسازول trimethoprim-sulfamethoxazole جرعة 800 مجم كل 12 ساعة

طبعا العلاج ده لازم يكون تحت اشراف دكتور اخصائي حميات حيث يمكن تغير دواء حسب الحالة الصحية للمريض او إضافة دواء لو فيه مضاعفات للمرض وطبعا لازم الالتزام بالعلاج وبالفتره كامله لضمان عدم رجوعه وليس بمجرد التحسن وقف العلاج

الحمى ممكن يسببها اغلب الامراض وبيستدل على سببها بالكشف الطبي والتحاليل والتاريخ المرضي
تحليل التيفود كده إيجابي ويستدعي العلاج كما ذكرته من قبل

زر الذهاب إلى الأعلى